Elecziuns 2026
Ensemen. Elecziuns da la regenza 2026
Ils 14 da zercladur 2026 vegn la Regenza grischuna occupada da nov. Nus ans engaschain perquai cun Aita Zanetti sco er cun ils commembers da la regenza en uffizi Marcus Caduff e Carmelia Maissen. Ensemen s’engaschan el ed ellas per soluziuns che rinforzan economicamain il Grischun, che promovan la coesiun e che tractan la natira e las resursas cun quità. Nus colliain temas, regiuns e generaziuns e concepin l’avegnir dal chantun Grischun a moda concreta e datiers dals umans.
savair dapliElecziuns dal Cussegl grond: Cun forza, experientscha e team #3 per il Grischun
Ils 14 da zercladur 2026 elegia la populaziun grischuna da nov il Cussegl grond. Sco parlament chantunal è el il cor da nossa democrazia: Qua vegnan deliberadas leschas, mess ils binaris e gidà a furmar activamain il svilup dal Grischun. Il Cussegl grond unescha las vuschs da tut las regiuns, da tut las valladas e da tut las cuminanzas linguisticas e procura che la diversitad da noss chantun restia visibla ed efficazia en il process da decisiun politic. Uschia datti politica ch’è datiers dals umans e che rinforza il Grischun sco tal.
Il center mussa fermezza: Glista 3 cun 98 candidatas e candidats en 35 circuls electoral viva politica ch’è datiers da la glieud e rinforza la coesiun en il chantun. La vasta francaziun regiunala suttastritga la pretensiun dal center d’esser preschent en tut las regiuns dal Grischun e da surpigliar responsabladad.