Unsere Website ist nicht für deine Browserversion optimiert.

Seite trotzdem ansehen
Toggle Grid

Economia

GEA a la creaziun da valur regiunala

In svilup economic persistent è indispensabel per il Grischun, sche nus vulain garantir la qualitad da viver e la segirtad sociala da l’entira populaziun e dar er en l’avegnir ina perspectiva a noss chantun muntagnard.

L’Allianza dal Center Grischun s’engascha per…

  • la promoziun da las interpresas pitschnas e mesaunas.
  • la commerzialisaziun da products locals per l’export.
  • la stgaffiziun da cundiziuns da lavur e da vita interessantas.
  • l’eliminaziun d’obstachels d’in stadi centralistic che na tegnan betg quint da las particularitads dal Grischun.
  • cooperaziuns tranter las interpresas, ils singuls secturs economics, las instituziuns da furmaziun e las regiuns vischinas.
  • il transfer da cumpetenzas, savida e tecnologias tranter instituts da perscrutaziun ed interpresas.
  • la giustia fiscala sco premissa centrala per la pasch sociala e regiuns cumpetitivas.
  • la promoziun intenziunada d’interprendidras giuvnas e d’interprendiders giuvens.
  • cleras cundiziuns da basa ecologicas, economicas e socialas sco fundament per la libertad d’interpresa.

GEA al turissem

Il pli grond chapital dal Grischun è sia cuntrada natirala e culturala incumparabla ch’è a medem temp spazi vital ed economic.

L’Allianza dal Center Grischun s’engascha per…

  • il sustegn d’occurrenzas grondas internaziunalas en ils secturs sport, congress e cultura.
  • la promoziun dal turissem durant l’entir onn.
  • mesiras per meglierar e sustegnair purschidas confurmas al martgà che promovan las pernottaziuns.
  • cundiziuns favuraivlas, cunzunt proceduras da permissiun simplifitgadas per la construcziun d’infrastructura turistica.
  • ina collavuraziun pli intensiva dal turissem e da l’agricultura.
  • la midada d’utilisaziun d’anteriurs edifizis agriculs.

GEA ad in’agricultura indigena

Puras e purs grischuns adempleschan numerusas incumbensas irremplazzablas: ellas ed els mantegnan e tgiran la cuntrada natirala e culturala, produceschan victualias regiunalas da gronda qualitad e segireschan la colonisaziun decentrala dal Grischun sco era dal spazi da lavur e dal spazi cultural ed economic rural.

L’Allianza dal Center Grischun s’engascha per…

  • in’agricultura multifuncziunala ed innovativa ch’è conscienta da l’ambient e dal clima.
  • ina convivenza e chapientscha vicendaivla da regiuns agriculas ed urbanas.
  • ina producziun ecologica da victualias.
  • il rinforzament da products regiunals d’auta qualitad.
  • il mantegniment da surfatschas da producziun agriculas en vista a la segirezza alimentara da la Svizra e la preservaziun da las basas d’existenza per ils manaschis.
  • l’autonomia dal Chantun en connex cun la schluppettada d’animals da rapina gronds che pericliteschan evidentamain la cultivaziun da nossas alps.
  • ina segirada sociala equivalenta per las puras.
  • entradas segiras per las puras ed ils purs en il territori da muntogna ed en la regiun da la val.
  • la promoziun da la tgira da la cuntrada culturala.
  • la regulaziun da las populaziuns d’animals da rapina sco dal capricorn.

GEA a l’energia regenerabla e durabla ed ad ina natira intacta

Il diever persistent da nossas resursas è indispensabel per las abitantas ed ils abitants dal Grischun.

L’Allianza dal Center Grischun s’engascha per…

  • la promoziun e l’extensiun d’energias natiralas regenerablas.
  • il diever effizient da la forza idraulica e d’ulteriuras energias regenerablas.
  • ina protecziun da la cuntrada, da la natira e dal maletg dal lieu che permetta da far diever d’energia regenerabla.
  • ina bilantscha climatica neutrala dal Grischun l’onn 2050; energias regenerablas, dapli effizienza energetica e mesiras da spargnar energia duain evitar l’acquist supplementar da carburants fossils.
  • ina mobilitad effizienta cun funtaunas d’energia durablas.
  • mesiras per reducir il sfarlattim da victualias.

Verwandte Vernehmlassungen

Verwandte Inhalte

Dafür setzen wir uns ein

Wir nutzen Cookies für ein besseres Nutzererlebnis.

Akzeptieren