Unsere Website ist nicht für deine Browserversion optimiert.

Seite trotzdem ansehen
Toggle Grid

Stadi e politica

GEA a fermas vischnancas autonomas

Il chantun Grischun ha trais plauns: chantunal, regiunal e communal. Da questa structura dal stadi stuain nus avair quità. Las vischnancas èn enconuschentas per lur gronda autonomia. Quai garantescha che las incumbensas vegnan ademplidas a moda effizienta, speditiva e manaivla dals burgais.

L’Allianza dal Center Grischun s’engascha per…

  • per fermas vischnancas autonomas.
  • per in adempliment decentral da las incumbensas.
  • cunter ina centralisaziun zuppada.
  • per la decentralisaziun da l’administraziun chantunala.
  • per regiuns che servan a las burgaisas ed als burgais.

GEA a finanzas equilibradas

Finanzas equilibradas èn il fundament d’in stadi cumpetitiv e d’ina societad solidarica. La finamira sto esser quella da tegnair a bass ils debits e da cuntanscher a media vista rendaquints equilibrads en cumbinaziun cun in clima fiscal at tractiv.

L’Allianza dal Center Grischun s’engascha per…

  • finanzas publicas equilibradas che mantegnan la libertad d’agir finanziala dal Chantun.
  • ina politica fiscala attractiva e la distgargia finanziala, en spezial da famiglias e d’interpresas pitschnas e mesaunas.
  • l’eliminaziun dals dischavantatgs per pèrs maridads.
  • ina politica d’investiziun cun cleras finamiras, anticiclica, decentrala e persistenta.
  • per ch’i vegnia respectà consequentamain las limitas
    directivas pertutgant la politica da finanzas..

GEA a dapli segirtad ed ad ina giustia effizienta

Ina da las incumbensas principalas dal stadi è da garantir segirtad, pasch ed urden. Stabilitad e segirtad èn facturs-clav ed avantatgs centrals per l’attractivitad dal chantun Grischun.

L’Allianza dal Center Grischun s’engascha per…

  • il cumbat speditiv, effizient e manaivel dals burgais da criminalitad, turissem criminal e cybercrime.
  • mesiras da prevenziun e d’intervenziun spezialas sin il champ da la protecziun dals uffants.
  • in equipament modern, ina scolaziun confurma al temp e cundiziuns da lavur attractivas per la Polizia chantunala e la Polizia communala.
  • ina giustia effizienta e consequenta.
  • in cumbat resolut dal diever abusiv d’asil e per l’execuziun consequenta da la legislaziun davart ils fatgs d’asil, en spezial cun accelerar ils process.
  • proceduras giudizialas speditivas.
  • mesiras per prevegnir a violenza psichica e fisica.
  • ina distanziaziun decidida da tut las furmas d’extremissem.
  • Il mantegniment dal dualissem da la Polizia chantunala e la Polizia communala.

GEA ad averturas per il traffic attractivas

Averturas attractivas per il traffic individual e per il traffic public èn premissas centralas per il svilup dal chantun Grischun. In traffic public per l’entir territori chantunal gida plinavant a cuntanscher las finamiras climaticas.

L’Allianza dal Center Grischun s’engascha per…

  • averturas attractivas per il traffic public en tut las regiuns dal chantun Grischun.
  • in augment dal tact dal traffic public en ils centers e las aglomeraziuns.
  • l’introducziun finanziabla dal tact da mes’ura sin tut las lingias da viafier en il Grischun.
  • ina meglra colliaziun dal Grischun cun ils gronds centers naziunals e cun l’exteriur cunfinant.
  • la dischlocaziun sin las rodaglias dal traffic da martganzia.
  • ina buna e segira avertura da tut ils lieus en il chantun Grischun per il traffic individual.
  • ina cumbinaziun raschunaivla dal traffic individual e dal traffic public.

Verwandte Vernehmlassungen

Verwandte Inhalte

Dafür setzen wir uns ein

Wir nutzen Cookies für ein besseres Nutzererlebnis.

Akzeptieren