Gie alla midada dalla lescha federala davart l’aboliziun dallas taxas da bul
L’aboliziun dallas taxas da bul vegn ad haver repercussiuns positivas silla plazza d’economia dalla Svizra. Oravontut interpresas giuvnas dattan savens ora aczias per procurar per capital e pagan aschia ina summa considerabla da taxas da bul. Gest quellas interpresas stuessan buc vegnir strapazzadas supplementarmein. La Svizra sa vegnir pli attractiva entras ch’ella abolescha las taxas da bul. Plinavon vegn evitau che interpresas ch’ein stadas pertuccadas dalla crisa da corona e drovan agen capital, piteschan aunc pli fetg. Ils delegai dall’AdC sustegnan la midada dalla lescha naziunala davart l’aboliziun dallas taxas da bul cun 41 vuschs persuenter, tier 17 encunter e 5 abstinenzas.
