Valurs
Nus rinforzain la politica dal center sin stgalim communal e regiunal en il Grischun. L’Allianza dal Center dal Grischun dat in dachasa politic a tuttas e tuts ch’èn a la tschertga d’ina convivenza plain solidaritad, responsabladad e respect. Nus faschain politica che tegna aut la dignitad umana senza cundiziuns.Il fundament da «Die Mitte Graubünden – Allianza dal Center Grischun – Alleanza del Centro Grigioni» schai ellas valurs libertad, solidaritad e responsabladad. Quellas valurs meinan vinavon l’ierta politica dalla PCD e PBD Grischun e vegnan interpretadas daniev el mund che sesviluppescha adina vinavon. La pli gronda finamira dalla partida ei il rinforzament dalla politica dil center sin palancau dallas vischnauncas, regiuns, dil cantun ed dalla confederaziun. L’Allianza dal Center Grischun duess porscher in dacasa politic a tut quels che mettan peisa sin ina politica che promova ina convivenza cun respect e responsabladad, mo era che risguarda la dignitad humana. Accents duein era vegnir mess tier la promoziun da dunnas e giuvenils. La partida nova duess era vinavon semetter en per finamiras politicas dalla PCD e PBD Grischun: Pil levgiament e per la promoziun da famiglias e per fatschentas pintgas e mesaunas (KMU); pil manteniment e novs plazs da lavur; per in’agricultura ferma en regiuns da muntogna ed ellas valladas; pil rinforzament da regiuns muntagnardas e dalla periferia; per in survetsch public attractiv.
Il fundament da «Die Mitte Graubünden – Allianza dal Center Grischun – Alleanza del Centro Grigioni» schai ellas valurs libertad, solidaritad e responsabladad. Quellas valurs meinan vinavon l’ierta politica dalla PCD e PBD Grischun e vegnan interpretadas daniev el mund che sesviluppescha adina vinavon. La pli gronda finamira dalla partida ei il rinforzament dalla politica dil center sin palancau dallas vischnauncas, regiuns, dil cantun ed dalla confederaziun. L’Allianza dal Center Grischun duess porscher in dacasa politic a tut quels che mettan peisa sin ina politica che promova ina convivenza cun respect e responsabladad, mo era che risguarda la dignitad humana. Accents duein era vegnir mess tier la promoziun da dunnas e giuvenils. La partida nova duess era vinavon semetter en per finamiras politicas dalla PCD e PBD Grischun: Pil levgiament e per la promoziun da famiglias e per fatschentas pintgas e mesaunas (KMU); pil manteniment e novs plazs da lavur; per in’agricultura ferma en regiuns da muntogna ed ellas valladas; pil rinforzament da regiuns muntagnardas e dalla periferia; per in survetsch public attractiv
L’Allianza dal Center – il dachasa politic
L’Allianza dal Center s’engascha per ina societad cun valurs liberalas ed umanisticas. Giustia, toleranza ed egualitad èn la basa per ina convivenza cun solidaritad e responsabladad. Nus respectain la libertad persunala individuala da mintgina e mintgin. Quai èn nossas premissas fundamentalas per ina politica pragmatica pronta da far cumpromiss ed abla da chattar in consens. L’Allianza dal Center tgira la varietad geografica, linguistica e culturala dal chantun Grischun. En quel connex sa chapescha per nus da sez l’egualitad dals dretgs ed ina represchentanza adequata.
Autodeterminaziun, umanitad e responsabladad sociala èn la basa per noss agir!
L’Allianza dal Center – la via a soluziuns acceptablas per la maioritad
La radicalisaziun adina pli gronda da la societad, nagina prontezza da tschertgar communablamain soluziuns e vulair attrair l’attenziun a tut pretsch èn tratgs omnipreschents en la societad. Nossa ideologia democratica cumpiglia dentant ina convivenza politica, ina confruntaziun dals interess equilibrada e l’abilitad da far punts.
La prontezza da cooperar, la tschertga d’in consens e la finamira da depolarisar accumpognan nus sin questa via.
L’Allianza dal Center – lper in spazi da viver persistent e cun avegnir
Tradiziuns vividas en regiuns ruralas valan tuttina bler sco ils ferms centers economics. Ellas represchentan in spazi da viver autentic e persistent che porscha tant a famiglias, a giuvenils sco er a glieud attempada ina perspectiva per il futur e pussibiliteschan in’auta qualitad da viver. Il mantegniment dal service public, l’administraziun decentrala dals secturs sanadad, furmaziun ed avertura da l’infrastructura sco era la promoziun d’ina cuntrada d’interpresas innovativa en l’industria, il mastergn ed il turissem mettain nus sin il medem stgalim sco in’agricultura confurma al lieu ed in diever effizient e valurisant da la forza idraulica, ina resursa indigena. La transfurmaziun digitala è ina cumpogna da viadi essenziala.