Jon Domenic Parolini daventa president da la regenza grischuna dal 2024

14. June 2023 – Cun 107 da 108 vuschs valaivlas è il cusseglier guvernativ Jon Domenic Parolini vegnì elegì dals commembers dal Cussegl grond per il 2024 a la testa da la Regenza grischuna.

Il 2024 vegn Jon Domenic Parolini a presidiar la regenza chantunala grischuna. L’engiadinais è vegnì elegì cun 107 da 108 vuschs valaivlas a la sessiun extra muros dal cussegl grond a Claustra.

Il um da 64 onns è schef dal departament d’ educaziun, cultura, protecziun da l’ ambient ed ha exequì per l’ emprima giada l’ onn 2019 l’ uffizi dal president da la regenza. Dapi l’ onn 2015 fa el part da la regenza grischuna.

Plinavant ha il parlament da 120 persunas nominà Marcus Caduff sco vicepresident per l’onn 2024. Quai cun 108 da 109 vuschs valaivlas. Caduff è directur d’economia publica e appartegna a la regenza dapi il 2019.