Nossas Valurs
Nus ans engaschain per…
Libertad – las IMPs ed il turissem
In’economia productiva, interpresas pitschnas e mesaunas agilas ed in svilup persistent dal turissem pussibiliteschan in aut standard da viver e libertad individuala. Per quai prendain nus en mira programs da promoziun pregnants, l’extensiun da l’infrastructura necessaria per l’economia, la promoziun da la furmaziun da persunal qualifitgà, l’eliminaziun d’obstachels birocratics ed il sustegn da tecnologias futuras favuraivlas a l’ambient.
Solidaritad – las regiuns
Per la solidaritad tranter las differentas regiuns dal Grischun. La citad e la champagna sa cumpletteschan! N’emporta betg nua en il Grischun ch’ins viva, lavura ed economisescha – nus vulain ch’ils umans hajan dapertut las medemas schanzas. Perquai è nossa pretensiun da crear per tut las Grischunas e tut ils Grischuns las meglras cundiziuns da basa pussaivlas en lur spazis da viver respectivs. Tant quai che pertutga la furmaziun, la purschida da plazzas da lavur sco era la pussaivladad da sa sviluppar sin il martgà da lavur. Nossa finamira è d’evitar la depopulaziun en las valladas e las regiuns perifericas.
Responsabladad – la famiglia
Per ina politica da generaziuns responsabla e la cumpatibilitad da professiun e famiglia. Nossa finamira è da sustegnair uschè bain sco pussaivel l’entira varietad da famiglias e da rinforzar vinavant l’attractivitad per famiglias en il Grischun. En il center da nossa politica sociala èn tut ils divers umans ed ina societad da prestaziun solidarica. Mo in stadi social productiv po ademplir a moda effectiva sias incumbensas: esser solidar cun quellas e quels che dovran noss agid e rinforzar l’atgna responsabladad da quellas e quels che pon gidar sasezzas e sasezs.