La schluccada da la limitaziun dal temp d’uffizi sto vegnir examinada

30. November 2025 – Il comité independent deplorescha che l’iniziativa da rentas è vegnida acceptada e che la cuntraproposta ch’ il cussegl grond ha elavurà è vegnida refusada. La politica vegn ussa supplitgada d’examinar da schluccar la limitaziun dal temp d’uffizi la pli severa en tut la Svizra.

L’acceptaziun da l’iniziativa è displaschaivla, perquai ch’ella indeblescha l’attractivitad da l’uffizi guvernativ e perquai ch’ella creescha ulteriuras malsegirezzas giuridicas. La populaziun merita dentant ina ferma regenza independenta sco er cleras cundiziuns generalas. La cuntraproposta refusada avess previs ina prestaziun transitorica limitada da maximalmain 3 onns. Quella avess mitigià la limitaziun dal temp d’uffizi la pli severa en tut la Svizra ed avess stgaffì uschia gistadad, stabilitad e cleras relaziuns – senza privilegis a vita duranta. Che questa soluziun equilibrada – purtada d’ina vasta allianza da la Verda, da la PS, da la PVL, dal center e da la PLD – na vegn betg realisada, è ina schanza manchentada per il chantun Grischun.

Il comité vegn ad analisar il resultat da la votaziun. Plinavant vegn la politica a stuair examinar ina schluccada da la limitaziun dal temp d’ uffizi la pli severa en tut la Svizra per pudair porscher vinavant cundiziuns generalas attractivas per ina regenza ferma independenta.

Ina communicaziun a las medias dal comité independent.