L’Allianza dal Center e la PLD.Ils Liberals fan ina colliaziun da glistas
4. July 2023 – La duas partidas burgaisas grischunas l’Allianza dal Center e la PLD. Ils Liberals fan ina colliaziun da glistas per las elecziuns dals 22 d’october 2023.
En vista a las tschernas dal Cussegl naziunal dals 22 d’october 2023 fan las duas partidas burgaisas grischunas l’Allianza dal Center Grischun e la PLD.Ils Liberals ina colliaziun da glistas. Cun quella tschentan ellas in’ensaina en favur d’ina politica burgaisa orientada a soluziuns e stgaffeschan uschia in’alternativa a la polarisaziun creschenta.
I dovra ina politica che s’orientescha a soluziuns ed in ferm center politic, per che la Svizra restia vinavant in pajais da success. Cun la colliaziun da glistas tranter l’Allianza dal Center e la PLD prestain nus ina contribuziun per ch’il Grischun possia trametter ina ferma delegaziun burgaisa da represchentants da nossas partidas a la proxima legislatura Cussegl naziunal.
La polarisaziun creschenta en la politica svizra ha contribuì, che la Svizra è restada fermada pertutgant temas impurtants, è la persvasiun da Bruno Claus, il president la la PLD.Ils Liberals dal Grischun. El di: «La colliaziun da glistas cun l’Allianza dal Center Grischun è gia sa cumprovada en il passà. Cun la decisiun actuala per ina glista communabla demussain nus cuntinuitad.»
Las duas partidas chantunalas burgaisas l’Allianza dal Center Grischun e la PLD.Ils Liberals dal Grischun èn avertas per ulteriuras colliaziuns da glistas che sustegnan ina politica orientada a soluziuns.
I dovra ina politica che s’orientescha a soluziuns ed in ferm center politic, per che la Svizra restia vinavant in pajais da success. Cun la colliaziun da glistas tranter l’Allianza dal Center e la PLD prestain nus ina contribuziun per ch’il Grischun possia trametter ina ferma delegaziun burgaisa da represchentants da nossas partidas a la proxima legislatura Cussegl naziunal.