Societad
GEA a la distgargia da las famiglias
Las famiglias en tut lur diversitad èn fitg impurtantas per il svilup e la stabilitad da la societad.
L’Allianza dal Center dal Grischun s’engascha per …
- la distgargia fiscala da las famiglias.
- spazi da viver pajabel.
- ina meglra cumpatibilitad da famiglia e professiun.
- structuras dal di che sustegnan la famiglia.
- ina tgira d’uffants cumplementara a la famiglia.
GEA a la participaziun da la giuventetgna
La giuventetgna è noss avegnir. Nus promovain e sustegnain ella en il svilup individual.
L’Allianza dal Center dal Grischun s’engascha per …
- la furmaziun politica gia durant il temp da scola obligatoric.
- in’organisaziun dal temp liber attractiva, cunzunt en la periferia.
- pussaivladads da furmaziun e da perfecziunament individualas e modernas en la proxima vischinanza dal lieu da domicil.
- ina participaziun responsabla a la societad.
GEA a la diversitad culturala en il Grischun
La diversitad culturala e linguistica è caracteristica per il chantun Grischun. Ella è in element indispensabel da nossa vita da cuminanza.
L’Allianza dal Center dal Grischun s’engascha per …
- il sustegn e la promoziun da las uniuns.
- il mantegniment e la tgira da las trais linguas chantunalas.
- la conservaziun ed il svilup da nossa cultura populara e da nossas tradiziuns.
- la promoziun da la lavur culturala professiunala.
GEA a la furmaziun orientada a la pratica
Furmaziun e cun quai savida ed abilitad professiunala decidan davart il futur da nossa societad, en spezial davart quel da nossa giuventetgna.
L’Allianza dal Center dal Grischun s’engascha per …
- ina furmaziun orientada a la pratica.
- purschidas da furmaziun decentralas d’auta qualitad en tut las regiuns linguisticas e sin tut ils stgalims da furmaziun.
- il barat tranter las differentas regiuns linguisticas grischunas.
- pussaivladads da furmaziun e da perfecziunament individualas.
- ina vasta furmaziun da basa ed in emprender ed instruir cuntinuant orientà a las fermezzas.
- models da furmaziun moderns.
- il rinforzament dal sistem da furmaziun dual.
GEA a la sanadad ed al provediment social
L’infrastructura medicinala, las purschidas da tgira ed il provediment social decentral contribueschan considerablamain ad in’urbarisaziun da l’entir chantun Grischun.
L’Allianza dal Center dal Grischun s’engascha per …
- in provediment da sanadad decentral manaivel dals burgais cun prestaziuns d’auta qualitad dals ospitals, da las chasas d’attempads e da tgira e da la spitex.
- la promoziun dal turissem da sanadad.
- in agir en atgna responsabladad en il rom da las pussaivladads individualas per distgargiar il sistem da sanadad.
- in process simplifitgà per la reintegraziun en il mintgadi da lavur ed en la societad.
- cundiziuns da lavur modernas per il persunal da sanadad.
GEA a la politica da generaziuns
Sin fundament da la midada demografica èsi oz pli che mai impurtant da sviluppar e promover projects e furmas da la societad che cumpiglian pliras generaziuns.
L’Allianza dal Center dal Grischun s’engascha per …
- ina convivenza da pliras generaziuns.
- la distgargia fiscala da persunas che tgiran confamigliars.
- la promoziun da cuminanzas d’abitar cun persunas da differentas generaziuns.
- ina pli gronda stima da la lavur voluntara e meglras cundiziuns per quella.