Unsere Website ist nicht für deine Browserversion optimiert.

Seite trotzdem ansehen
Toggle Grid

Elecziuns dil Cussegl grond: 110 persunalitads en tut ils cumins electorals

Ils 15 da matg 2022 elegia la populaziun grischuna sias representanzas elle regenza sco era el parlament cantunal. L’Allianza dal Center Grischun tschenta sper la candidata per la regenza Carmelia Maissen ed ils candidats en uffeci Marcus Caduff e Jon Domenic Parolini 110 persunalitads ord tut ils 39 cumins electorals per las elecziuns dil Cussegl grond. Cun sligiaziuns solidas, engaschi e responsabladad stattan els en per ils interess dallas regiuns e per igl avegnir dil cantun.

«Die Mitte Graubünden – Allianza dal Center Grischun – Alleanza del Centro Grigioni» ha oz la pli ferma fracziun el parlament cun 47 deputadas e deputai. Cullas valurs da basa dalla partida – libertad, solidaritad e responsabladad – semettan els en per il manteniment da bunas tenutas fundamentalas da viver el Grischun e cunquei per l’autodeterminaziun dalla populaziun.

Occupau tut ils plazs da gliestas per las elecziuns dil Cussegl grond
Ils 15 da matg 2022 elegian las Grischunas ed ils Grischuns l’emprema ga il Cussegl grond cul niev sistem electoral. Elegiu vegn tenor il process da proporz dubel, il schinumnau «Pukelsheim dubel». Per saver occupar sezs el parlament cantunal egl avegnir vegn ei ad esser decisiv tgei simpatia che la partida gauda egl entir cantun. L’Allianza dal Center Grischun selegra dad ir ellas eleziuns cun persunalitads politicamein versadas, denton era cun persunalitads novas, giuvnas ed oravontut cun in ault diember da dunnas. Tuttas candidatas e tuts candidats semettan en cun responsabladad per il svilup dallas regiuns e per igl avegnir dil cantun. Aschia tegn l’Allianza dal Center Grischun sia empermischun da representar la populaziun grischuna ella politica.

Per las elecziuns da renovaziun tschenta l’Allianza dal Center Grischun 110 persunalitads en tut ils cumins electorals (39/39):

  • 39 dunnas, 71 umens
  • 32 veders, 78 novas candidatas e novs candidats
  • 54 pertschien dallas candidatas e dils candidats ein ella vegliadetgna sut 50 onns
  • Il pli giuven candidat ha 25 onns (annada 1997); la pli veglia candidata ha 68 onns (annada 1954)

 

Persunalitads cumprovadas per las elecziuns dalla regenza
Gia el december 2021 han las delegadas ed ils delegai dall’Allianza dal Center Grischun nominau Carmelia Maissen sco era ils cussegliers guvernativs en uffeci Jon Domenic Parolini e Marcus Caduff per las elecziuns dalla regenza dils 15 da matg 2022. Aschia proponan els treis persunalitads politicamein cumprovadas per l’executiva grischuna.

Di da partida ils 12 da mars 2022 a Cazas
L’entschatta ufficiala dallas elecziuns lantschescha l’Allianza dal Center Grischun la sonda, ils 12 da mars 2022 ella «Bündner Arena» a Cazas. La direcziun dalla partida envida tut las candidatas ed ils candidats dallas elecziuns dalla regenza e dil Cussegl grond sco era amitgas ed amitgs dall’Allianza dal Center Grischun a quell’occurrenza festiva.

Wir nutzen Cookies für ein besseres Nutzererlebnis.

Akzeptieren