Unsere Website ist nicht für deine Browserversion optimiert.

Seite trotzdem ansehen
Toggle Grid

Elecziuns da la regenza: L’Allianza da center porta Carmelia Maissen

Ultra dals cussegliers guvernativs en uffizi Marcus Caduff e Jon Domenic Parolini, propona la direcziun da l’Allianza dal Center Grischun a sias delegadas e ses delegads ina dunna per l’elecziun en la regenza: Carmelia Maissen.  Cun questa candidatura d’ina dunna surpiglia l’Allianza dal Center la responsabladad  visavi la populaziun grischuna, en vista da las schanzas manchentadas fin ussa da las autras partidas.

Cun ils cussegliers guvernativs en uffizi Mario Cavigelli, Marcus Caduff e Jon Domenic Parolini dispona l’Allianza dal Center dal Grischun da trais persunalitads cumprovadas en l’executiva grischuna. Pervi da la limitaziun dal temp d’uffizi banduna cusseglier guvernativ Mario Cavigelli la regenza per la fin dal 2022. Cun quai che las autras partidas han manchentà las schanzas, ha la direcziun da l’Allianza dal Center dal Grischun decis da proponer a sia radunanza da delegads, ultra dals dus cussegliers cumprovads en uffizi Marcus Caduff e Jon Domenic Parolini, ina dunna sco candidata per il cussegl guvernativ.

L’Allianza dal center metta in cler accent per la represchentanza necessaria da las dunnas en la regenza

“In’elecziun dal cussegl guvernativ senza ina candidatura d’ina dunna n’è betg imaginabla per nus”, di Kevin Brunold, il co-president da l’Allianza dal Center Grischun. El sa legra che Carmelia Maissen (dr.phil.dipl.arch.SPF), ina dunna fitg cumpetenta cun experientscha stat a disposiziun per las elecziuns dal cussegl guvernativ dals 15 da matg 2022. Sut sia direcziun èsi grategià da consolidar la situaziun finanziala difficila da la vischnanca da Ilanz/Glion suenter la fusiun e da realisar suenter set onns da lavurs preparatoricas la revisiun totala da la planisaziun locala.

Forzas cumprovadas per las sfidas da l’avegnir

Il Grischun spetga las pli grondas sfidas dapi decennis. Ils cussegliers guvernativs en uffizi Marcus Caduff (ann.1973, dipl. Ing. Agr. SPF / MAS MTEC SPF) e Jon Domenic Parolini (ann. 1959, dr. sc. tec. SPF / dipl. ing. forestal SPF) han cumprovà durant la legislatura actuala lur cumpetenza da manar ed han tratg decisiuns curaschusas a favur dal Grischun en quest temp pretensius. Els èn motivads da s’engaschar vinavant cun lur savair, lur rait e lur experientscha per il svilup dal futur dal Grischun.

Radunanza da nominaziun da l’emprima mesadad da december 2021

Suenter ch’ins aveva supplitgà las partidas regiunalas, cirquitalas e localas dad annunziar candidaturas da dunnas a la suprastanza da la partida, ha la direcziun da l’Allianza dal Center decidì da proponer la candidatura da Carmelia Maissen a las delegadas ed als delegads.

Wir nutzen Cookies für ein besseres Nutzererlebnis.

Akzeptieren