Las dunnas da l’Allianza dal Center Grischun sa preparan per il cumbat electoral

15. February 2022 – 30 candidatas per il cussegl grond da la Allianza dal Center (AdC) Grischun èn s’inscuntradas la sonda, ils 12-02-2022 tar l’occurrenza inspirativa ”Cumbatter electoral”. Il vicepresident dal Cussegl naziunal, Martin Candinas, sco era la secretaria generala da la AdC Svizra, Gianna Luzio, han introducì las bleras candidatas en ils ‘do’s and dont’s’ d’in cumbat electoral.

La AcD Grischun tegna si’empermischun da promover dunnas e persunas giuvnas per la lavur politica. Sper la suletta candidata per la regenza grischuna, Dr. Carmelia Maissen, candideschan rodund 40 dunnas da la AdC Grischun per il Cussegl grond. 30 dad ellas han retschavì sonda passada in’invista intensiva ed interessanta tar la lavur da cumbat electoral. “Restar fidaivels a sa sez e cumbat electoral sin via as pajan”, èn intgins tips dal cussegl naziunal Martin Candinas ch’è versà en cumbats electorals. Accumpagnà è el vegnì da la secretaria generala da la AdC Svizra, Gianna Luzio, che ha pudì entusiasmar las candidatas entras experientschas e numerus exempels da cumbats electorals ambiziunads.

Che mintga vusch dumbra ha era Dr. Sandra Maissen, nova cussegliera da cità da Cuira, affirmà. Quest parairi ha la vicepresidenta da la AdC Grischun e candidata Yvonne Brigger-Vogel suttastritgà. Ella ha explitgà a moda cumpetenta il nov sistem d’elecziun dal proporz dubel e las consequenzas sin la repartiziun dals sezs. A la fin ha la presidenta dal Cussegl grond, dunna Aita Zanetti, relaschà las 30 dunnas da la AdC Grischun cun la parola «Cun engaschi e cor» en in cumbat electoral ambiziunà.