Unsere Website ist nicht für deine Browserversion optimiert.

Seite trotzdem ansehen
Toggle Grid

Elecziuns dalla regenza: Caduff, Maissen e Parolini ella regenza

Las delegadas ed ils delegai dall’Allianza dal Center Grischun (AdC) nomineschan Carmelia Maissen sco era ils dus cussegliers guvernativs en uffeci Jon Domenic Parolini e Marcus Caduff per las elecziuns dalla regenza dils 15 da matg 2022. Aschia tschenta l’AdC treis persunalitads politicamein cumprovadas per l’executiva grischuna.

Sis meins suenter la fundaziun dalla «Die Mitte Graubünden – Allianza dal Center Grischun – Alleanza del Centro Grigioni» han ils delegai giu lur emprema radunonza da nominaziun per las elecziuns dalla regenza. «Cull’Allianza dal Center va ei vinavon», selegra Gerhard Pfister, president dalla partida-mumma Allianza dal Center Svizra, alla radunonza bein visitada a Valbella. El affirmescha: «Nus essan sin ina buna via – cun sligiaziuns solidas, engaschi e responsabladad».

Las untgidas ch’ein vegnidas messas stattan per ina nov’entschatta ed in resvegl. Quei demuossan era ils delegai alla radunonza da nominaziun el Valbella Resort. Cun contribuziuns da video interessantas ed ina paterlada diverteivla moderada da Romina Mascaro-Bortolon vegnan la candidata ed ils dus candidats presentai als presents: Cun Carmelia Maissen ed ils dus cussegliers guvernativs en uffeci Jon Domenic Parolini e Marcus Caduff ein ils delegai pertscharts da saver proponer per las elecziuns dalla regenza 2022 treis persunalitads politicamein cumprovadas ch’ein semtgadas da semetter en cun soluziuns solidas, engaschi e responsabladad per igl avegnir dil cantun Grischun. L’AdC metta cunquei era in clar accent en favur dalla representanza da dunnas ella regenza grischuna.

 

Forzas versadas per las sfidas futuras

Il Grischun stat avon las pli grondas sfidas dapi decennis. Ils cussegliers guvernativs en uffeci Jon Domenic Parolini (annada 1959, Dr. sc. techn. ETH / Dipl. Forsting. ETH) e Marcus Caduff (annada 1973, Dipl. Ing. Agr. ETH / MAS MTEC ETH) han duront la legislatura actuala mussau buc mo lur habilitad e cumpetenzas da menar, mobein era la curascha da prender decisiuns per part grevas per il beinstar dil Grischun. Els ein motivai d’impunder era vinavon lur savida, lur reit da contacts sco era lur experientschas pil svilup dil cantun ed aschia formar cun il futur dil Grischun.

Cun Carmelia Maissen (annada 1977, Dr. phil. Dipl. Arch. ETH) stat in dunna fetg cumpetenta cun experientscha ella legislativa sco era ell’executiva a disposiziun per las elecziuns dalla regenza dil 15 da matg 2022. Sco emprema presidenta dil parlament communal dalla vischnaunca Ilanz/Glion ha ella contribuiu essenzialmein al svilup dil menaschi parlamentar. Sco presidenta communala eis eis reussiu ad ella els davos quatter onns da far avanzar la reuniun pretensiusa da 13 vischnauncas anteriuras, da lantschar novs projects pil svilup communal e da serrar giu la revisiun totala dalla planisaziun locala suenter ina prelavur duront siat onns.

Wir nutzen Cookies für ein besseres Nutzererlebnis.

Akzeptieren